Khushi ko dekha to hai maine…!!!

Khushi ko dekha to hai maine…

Wo mere ghar aayi to thi,,

Darwaje pe dastak bhi di thi..

Maine darwaja khola bhi tha,

Andar aane ko bola bhi tha..

Par wo choukhat ke andar nahi aayee,

Bas bahar se hi thoda sa muskarayee..

Jaise ki hash rahi ho

Meri takdeer pe,

Hathon ki lakeer pe..

Aur ye hadsha kayi bar ho chuka hai,

KASAK use pake kayi bar kho chuka hai..

Ab to sochta hu ki kisi bhi aahat pe

Darwaja hi na kholu,

Kisi ko ghar ke andar

Aane ki na bolu..

Par ab bhi shayad,

Us khushi ka entazar hai,

Jo kuch din pahle hi aayi thi.

Kuch pal ke waste

Ruki bhi thi darwaje pe..

Par fir bahi kahani,

Khali ghar mai virani..

Par mujhe yakeen hai,

Wo fir se aayegi,,

Esaliye darwaje par,

Aankhen bichha ke rakhta hu

Aur ab jab wo aayegi,

To use rok lunga,

Aur kahunga ki,

Ye ghar tumhara hai

Ye ghar tumhara hai….