Achanak ek din usne pooch liya
Kya tum mujhse pyaar karte ho
Mai awaak sa dekhta raha
Aur sochta raha ki ye kaun hai
Us pal maine socha
Kya main pyaar karta hoon
Jabaab mila, haan karta to hoon
Par kisse?
Apne shareer se
Apni daulat se
Apni shohrat se
Apne parivaar se
Par main usse pyaar nahi karta
Jo ye poochh rahi hai
Maine poochha tum kaun ho
Aur main tumse kyon pyaar karu
Wo boli
Main jaanti hoon
Tum mujhse pyaar nahi karte
Tum mujhe bhool gaye ho
Main hi to hoon
Tumhaare saath hi jaana hai
Kabhi nahi chhootega
Tumhaara mera saath
Tum bhool gaye ho mujhe
Duniya ki bheed me kho gaye ho tum
Wo Main hoon tumhaari “ZINDAGI”
No comments:
Post a Comment